الشىء الغريب اللى حصل ان اول لما ابتديت اتفرج على فريندز كان بالشقلوب !! اتفرجت من الموسم العاشر لحد ما وصلت للاول .. وكنت كل ما اخلص موسم كنت بتشوق اشوف اللى قبله وهكذا لحد ما بقى عندى العشر مواسم كاملين ..
فريندز كوميديا مش عادية .. وممكن اتفلسف واقول ان عندهم ذكاء وخيال كوميدى كبير قوى بتخيل مواقف عجيبه ممكن تحصل للناس ..واستغلال المواقف دى لاكبر قدر من الكوميديا
كل مره بينتهى الموسم العاشر بحس بحزن غريب ان الموضوع خلص .. والايام الحلوه دى خلصت ولحظه ما كلهم بيسبوا المفاتيح ويمشوا والكاميرا تجيب شقة مونيكا كلها لحد الباب مع موسيقى الجيتار اللى تبكى دى .. بحزن فعلا .. ومبيخرجنيش من الحزن ده غير انى بقرر ان الدنيا مش هتقف .. الايام هترجع تانى من جديد .. من الحلقة الاولى .
انا حبيت بس اشكر فريندز على الابتسامه اللى بيسيبوها لى طول فترة وجودهم على الشاشة !
1
4 comments:
لست وحدك يا أخى
أنا كمان من عشاق فريندز لدرجة انى باظبط مواعيدى على مواعيد عرضها فى التليفزيون، وباستناها حتى لو بتيجى ستة الصبح زى ما بتيجى دلوقتى على قناة دبى وان، وده طبعاً يخلينى أطالبك بحق الجنون المشترك بالسيت كوم الأحل إلى قلبى انك تجيبلى المواسم العشرة فى أول فرصة نتقابل فيها
:-D
يا باشا تحت امر سعادتك ان شاء الله نتصرف فى موضوع العشر مواسم دول ...:D
luاك حق يا محمود وبالمناسبة دي انا باندم اني مش اخدتهم منك في الامتحانات بس دي اول حاجة هاعملها لما اشوفك السنة الجاية ان شاء الله عالخير سنة رابعة بقى باذن الله
regards,,
sawsan saeed
يارب يارب بقى أنا كمان أتفرج على المواسم كاملة .. مش عايزة أقرب لسيزون 10 قبل ما أتفرج على المواسم اللى قبلها كلها
ميزة فريندز إنه مش بس بتخلق كوميديا من أى موقف .. و لكن كمان انت تابعت حياتهم واحد واحد و ارتبطت بيهم اكنهم حقيقة فريندز لك شخصيا
باشكرهم معاك :)
Post a Comment